O ciclo de cinema e memoria na Asociación Veciñal de Lavadores continua coa cuarta proxección programada. Nesta ocasión trátase da película “Septiembre del 75”, nunha sesión a celebrar o vindeiro xoves 24 de abril ás 19:00 h.
“Septiembre del 75”, unha película de Adolfo Dufour realizada no 2009, narra unha historia de loita antifranquista particularmente vencellada á nosa cidade, centrada na figura de Xose Humberto Baena, fusilado polo franquismo o 27 de setembro de 1975, xunto a outro veciño vigués, Xosé Luis Sánchez Bravo, e outros tres condenados.
Ao remate da proxección teremos de novo un debate sobre memoria antifranquista moderado por Celso López Pazos, da Asamblea Republicana de Vigo.
Deixa unha resposta